CEK MAT DICULIK?
[ Cek Mat Adventures ] “ CEK MAT DICULIK? “ ( Mistery Never End ) Tak macam biasa, di hari istimewa special waktu ia Cek Mat lumpat tidu lekas. Di hari festival menjantu asam sedunia nang ke 222 sumangannya urang sekayuan dunia marung bedatangan ke kampung turut sereta nak menjantu buah asam. Mun di tirau dari marasannya dapat diteka darimana asal urang ia. Mun nang alisnya lancup diujung rupa mata macam tebalik, pasti asalnya belah Jepun, Korenga ndak ia Siam. Mun nang rambut macam tegaran besi, asalnya belah Erufa, Ambrika, Ostrali. Mun nang rambut begulung bemuka itam macam kuali retinya belah Aferika. Dan macam-macam rupa laingnya. Begeya lumpat, Cek Mat turun ketanah encari embun dipucuk daun bemban tukkan dititikkan ke mata mengganti bepungas. Gara penirauan bigik mata tajam baca’annya. Memakai seluar sepan, baju belengan panjang, tak lupa parang badik, teppel, ngan raga rotan kecik tukkan naruh palehan buah asam. Cek Mat mula bejalan melintasi rempuk r